MTB S. Giovanni al monte, rif. S. Pietro del 20/10/2012
Le temperature le è massa alte per i assotti e allor la MTB en val l’è l meio da far col meteo che se prevede: gh’è da nar!
Ne trovem alle 8 la mattina a Mori a casa del Ladro e tolte su le bike ne enviém verse l Gardasee fin Nago, po’ da qi enveze che ciapar la Torbole vecia taiém zò sotto le busatte e fiondém sulla sterrata che passa sotto la Mazza fin sotto la discarica e for per campagne fim a Arco, endò che nà colaziom caffè e brioches nol ne la cava nessuni. Fin qi, tutta più o men discesa è boni anca i boci, ma adess vem el bel! Traversà for Arco ne fiondém su sora Laghél en direziom de S.Giovanni al Monte: dai neanca zento metri de quota dovem arrivar ai mili e passa endò che finiss la strada. Do ore de agonia e per le ondese el più el par fat e ne ciapada la sterrata che continua en direziom de Tenn, ne fermen vinti minuti a bever e trar zò quattro scacheti de cioccolata. Se riparte: en teoria da qi el giro classico el punta dritt vers Tenn, ma noi come obiettivo ne dem el Rifugio S.Pietro: smontém 200metri e en teoria con 100m de button bike (su per sentér SAT) doveresem tacarne alla forestale che ne porta for en pian… en teoria! Girem massa prest a sinistra e manchém la forestale e così i 100m de salita finali i deventa 250m oltre al fatto che passai co nà jeep per far legna i ha fresà su tutt el bosc e la progressiom la se fa complicada anca sul pian: besogn buttar e tasér! Neanca nen rendem cont d’esser arrivai al colmo che se tacca a smontar sull’ert (e te pareva… se butta anca en zò a tòchi!). En quart d’ora sulla sella e ghe saltem for da drio el rifugio che l’è le 1 e meza: che luzia! E allor en bom piataz de polenta e Goulasch e do birre medie le va zò come la bruma al sol! Fiondai zò per la strada fin a Tenn, ciapém la deviaziom a sinistra che ne sbara su cementate sora el 20% che vola en val: l’è n’attimo e sem a Arco. Da qi risalim dala Mazza e al passo S.Giovanni e per le 4 sém de volta a postar zò le bici e tirar for le birraccie che l Ladro l g’ha n fresca n tel frigo…
Pausa beveraggio sulla rampa de salita a S.Giovanni al Monte. Sora el GardaSee.. |
|
|
Finalmente la spiana... |
Berg Heil! ...e adess se riparte per l rampon del rifugio S.Pietro e per... el Gulasch!! |
|
Ste pagine l'e' stae cargade volte da visitatori dal 3 de agost 2005